Evropa është vënë në provë pasi Turqia siguroi kalim të lirë për shumë migrantë që shkojnë drejt perëndimit, tha kancelari austriak Sebastian Kurz, duke përshkruar lëvizjen e Ankarasë si një “sulm ndaj BE-së”.

Masa e fundit e Turqisë për të lejuar migrantët të largoheshin nga territori i saj gjatë fundjavës ishte një sulm “ndaj Bashkimit Evropian dhe Greqisë”, dhe gjithashtu një “provë për BE”, tha Kurz të martën, transmeton portali arbresh.info.

Nëse vendet evropiane i nënshtrohen presionit të Recep Tayyip Erdogan, atëherë 13,000 migrantë që presin dëshpërimisht në kufirin e BE-së do të jenë vetëm “fillimi”, paralajmëroi Kancelari Austriak.

Sipas Kurz, migrantët që grumbulloheshin në kufirin grek nuk kanë ardhur nga pjesët e shkatërruara nga lufta në Siri pasi që eksodi i tyre ishte “organizuar qëllimisht” nga Turqia.

Vetë Erdogan nuk kujdeset për refugjatët sepse dëshiron t’i përdorë ata “si një çip pazari, një armë dhe një mjet presioni”, sugjeroi ai. Në përgjithësi, një krizë e re migracioni e ngjashme me atë të vitit 2015 duhet të shmanget “me çdo kusht”, Kurz u zotua, duke u bërë thirrje anëtarëve të BE që t’i rezistojnë presionit të Turqisë së bashku./arbresh.info/